Сургуулийн захирлын мэндчилгээ

Mejiro Fashion & Art College нь хагас зуун гаруй жилийн турш Япон болон гадаадын загварын салбарт олон чадварлаг хүмүүсийг төрүүлж ирсэн. Сүүлийн жилүүдэд загварын салбарт технологийн дэвшил, IT, даяаршлын далимд хурдацтай өөрчлөлт гарч, чанартай бүтээгдэхүүнийг бага зардлаар, богино хугацаанд хүргэх шаардлага бий болсон. Гэхдээ “Загвар нь бол хэрэглэгчдийн сэтгэлийг хөдөлгөдөг зүйл” гэдгийн мөн чанар өөрчлөгдөхгүй. Бид байгуулагдсан цагаасаа хойш өөрчлөгдөж байга боловсролын бодлогоос гадна уламжлалаа дээдлэн цаг үеийн шаардлагад нийцсэн сэтгэлгээний шинэ хэлбэрийг хүлээн авч, сургалтын хөтөлбөртөө тусгаж байна. Миний хувьд Нью-Йоркт загварын чиглэлээр суралцаж, өөрөө загвар зохион бүтээгчээр ажиллаж байсан бөгөөд байнга өөрчлөгдөж байдаг загварын чиг хандлагыг мэдэрч, хувцас загварын мэдрэмж төрүүлэхийн тулд тэргүүн эгнээнд идэвхтэй ажилладаг дизайнеруудаас шууд суралцах нь чухал гэж би боддог. Мэргэшсэн хүний уур амьсгалыг мэдрэхийн зэрэгцээ зөвхөн өөртөө сэтгэл ханамжтай байхын оронд, Японд төдийгүй дэлхийд бүтээгдэхүүн болгон ашиглах боломжтой бүтээлүүдийг бүтээгээрэй. Хүмүүсийн өмсөж буй хувцас нь хүмүүсийн сэтгэлийг нь хөдөлгөх хэмжээний байх ёстой. Хэцүү даалгавруудыг шийдэж, ур чадвараа дээшлүүлж, хүмүүсийн сэтгэлд хоногшсон загварыг санал болгож чадах салбарын хүн болоосой гэж хүсч байна. Цагтаа дасан зохицож чадах санаа, цаг үед баригдаагүй суурь мэдлэгтэй болж, жинхэнэ чадварыг эзэмшинэ гэж найдаж байна.